WASHINDI WA UTUNZAJI WA MAZINGIRA WAPEWA ZAWADI,MAKUNGA AWATAKA WAENDELEE KUTUNZA MAZINGIRA

Mkuu wa Wilaya ya Hai ndugu Novatus Makunga amewataka wananchi kutambua umuhimu wa mazingira ili kujinusuru na athari zitokanazo na uharibifu wa mazingira.

Mkuu wa Wilaya ameyasema hayo wakati  wa hafla ya kuwakabidhi zawadi washindi wa shindano la uhifadhi wa mazingira kupitia Mradi wa matumizi endelevu ya ardhi(SLM), na kufanyika katika ukumbi wa Halmashauri hiyo na kuwashirikisha wadau mbali mbali wa mazingira.

Makunga amezitaja athari mbali mbali zinazotokana na uharibifu wa mazingira kuwa ni pamoja na mabadiliko ya hali ya hewa unosababisha uzalishaji duni wa mazao ya chakula na bisahara lakini pia ongezeko la joto katika maeneo mbali mbali duniani.

Kufuatia hali hiyo amewataka wananchi kuhifadhi mazingira kwa kupanda miti na kuitunza miti hiyo ikiwa ni njia moja wapo ya kurejesha hali ambayo kwa sasa imetoweka kwa muda mrefu.

Amewatakwa washindi hao kuwa mabalozi wazuri katika kuhamasisha wananchi kutunza mazingira kwa kuotesha miti rafiki katika vyanzo vya maji na maeneo mbali mbali ikiwa ni pamoja na maeneo ya makazi,taasisi mbali mbali kama shule,kanisa,misikiti na viwanda.

Kwa upande mwingine amewataka wanachi hao kutumia vema mafunzo waliyoyapata ya ufugaji wa nyuki ili kuwaongezea kipato cha kaya na kukuza uchumi wa wilaya ya Hai na nchi kwa ujumla.

Amesema kutokana na mabadiliko ya hali ya hewa yaliyosababisha uzalishaji wa kahawa kupungua katika maeneo mengi ya Mkoa wa Kilimanjaro,zao ambalo lilikuwa ni tegemeo la kipato kwa wananchi wengi,ni vema wakabali mtazamo huo na kufuga nyuki kama chanzo mbadala cha uchumi.

Awali akisoma taarifa ya utekelezaji wa mradi huo,Mkurugenzi Mtendaji wa Halmashauri ya Wilaya ya Hai ndugu Melkizedeck Humbe amesema mradio huo unatekelezwa katika  bonde la mto Kikafu.

Amesema mradi huo wa matumizi endelevu ya ardhi(SLM) kwa Wilayab ya hai yamesaidia katika kuwapatia wananchi mafunzo mbali mbali ya matumizi sahihi na endelevu ya ardhi pamoja na ufugaji wa nyuki.

Kwa niaba ya washindi wa  shindano hilo mshindi wa kwanza wa kikundi cha sifa kilichopata kiasi cha shilingi laki saba ndugu Dominik Mmasy ameishukuru na kuipongeza serikali kwa kutambua mchango wa wananchi wa kawaida katika kutunza mazingira na kuomba Halmashauri iendelee na utaratibu huo ili kuwajengea hamasa wananchi wengine kutunza mazingira.

Katika mashindano hayo,mshindi wa kwanza  kwa upandi vikundi alizawadiwa kiasi cha shilingi laki saba,kikundi cha pili laki sita na cha tatu laki tano huku kwa mshindi mmoja mmoja mshindi wa kwanza alizawadiwa kiasi cha shilingi laki tano,wa pili taki nne na wa tatu laki tatu pamoja fedha hizo pia washindi wote walitunukiwa vyeti vya ushindi.

 Mkurugenzi Mtendaji wa Halmashauri ya Wilaya ya Hai ndugu Melkzedeck Humbe (aliyesimama) akisoma taarifa ya utekelezaji wa mradi wa Matumizi endelevu ya ardhi katika hafla ya kuwakibidhi zawadi washindi wa utunzaji wa mazingira.

Baadhi ya Wakuu wa Idara pamoja wa wadau wa mazingira wakimsikiliza Mgeni Rasmi ambaye alikuwa ni Mkuu wa Wilaya ya Hai

Baadhi ya Wakuu wa Idara pamoja wa wadau wa mazingira wakimsikiliza Mgeni Rasmi ambaye alikuwa ni Mkuu wa Wilaya ya Hai

 Mjumbe wa Timu ya utekelezaji wa mradi wa SLM ndugu Mathew Ntigigwa akiwatambulisha wageni mbali mbali waliohudhuria hafla hiyo,wa kwanza kushoto kwake ni Mratibu wa Mradi wa SLM Wilaya ya Hai ndugu Robert Mwanga.

picha hiyo hapo juu na pamoja na picha sita zinazofuata chini yake  ni washindi wa vikundi na binafsi wakikabidhiwa cheti pamoja na hundi.

 Mkuu wa Wilaya ya Hai ndugu Novatus Makunga (aliyesimama) akihutubia wadau mbali mbali wa utunzaji wa mazingira Wilayani Hai.(hawapo kwenye picha)

Mmoja wa washindi akishukuru kwa niaba ya washindi wote.

Diwani wa Kata ya Masama Kusini (aliyesimama) mh Kisanga akizungumza kwa niaba ya Madiwani waliohudhuria Hafla hiyo.