MAFURIKO HAI,WALIOADHIRIKA WATEMBELEWA

Kamati ya Maafa Wilaya ya Hai ikiongozwa na Mkuu waa Wilaya ya Hai Antony Mtakahivi karibuni imetembelea maeneo yaliyoathiriwa na mvua iliyosababisha Kaya 50 kukosa sehemu za kuishi katikabaadhi ya vijiji vya  Kata ya Weruweru ,Masama Rundugai   na Mnadani ili kujionea hali halisi huku wakiwapa pole na kuwataka viongozi wa vijiji husika kufanya tathimini haraka iwezekanavyo ili wananchi hao kuweza kusaidiwa kwa namna yeyote ile.

Mtaka aliwataka wananchi kusaidina bila ya kujali itikadi za siasa na kusisitiza juu ya wale walioathirika kupatiwa hifadhi.

“Niwaombe wale ambao hawaja kumbwa na mafurikom haya kuwa na utu wa kibinadamu kwa kuwapa hifadhi wenzao ili kutoa nafasi kwa Serikali kutafuta misaada mingine inayo hitajika”Alisema Mtaka.

Mku wa Wilaya pia aliwataka wananvhi kuwa wavumilivu katika kipindi hiki kigumu huku wananchi hao wakitakiwa kufanya usafi katika maeneo yaliyo athirika ili kuepuka magonjwa ya milipuko.

“zingatieni  usafi katika maeneo yenu kama mnavyo jua ya kuwa mvua hiyo imeharibu vyoo vyenu hivyo ni rahisi kwa magonjwa ya mlipuko kuwapata msipo fanya usafi ikiwa ni pamoja na kulala katika vyandarua katika hifadhi mtakazo pata”Alisema Mtaka.

 “Ilikuwa ni usiku kama wa saa nane mvua ilipo zidi na maji kuanza kuingia ndani ya nyumba zetu nilijitahidi kutoka na mke wangu pamoja na watoto wangu kwani hapa nipo na familia ya watoto kumi kila kitu kimeharibika na sikuweza kutoka hata na kitu chochote”Alielezea mmoja wa waathirika wa mafuriko hayo.

Baadhi wa wana vijiji hao wamedai kuwa tukio kama hilo liliwahi kutokea mwaka 1965 ambapo lilifanya uharibifu kama huo huku mashine ya kusaga na kukoboa nafaka wakati huo ikichukuliwa na maji.”Walisema wanavijiji hao.

Tayari watu ambao nyumba zao ziliharibiwa na mvua wamekwishapata hifadhi kwa majirani zao, huku kilio chao kikubwa kikiwa ni chakula na mahitaji mengine muhimu ambayo ni pamoja na Nguo na wakati huo huo wakiwa hawajui waelekee wapi mara baada ya kuharibika kwa nyumba zao.

Kufuatia hali hiyo Mkuu wa Wilaya amewaomba wadau na taasisi  mbali mbali kutoa misaada ya chakula,mavazi,dawa na mahitaji mengine muhimu ili kuwasaidia wananchi hao.

Halmashauri kwa msaada wa dharura ilitoa maharage kg 302,unga kg 1510,sukari kg 302,chumvi pakti 302,madaftari 100,net 200 na kalam 150 huku baadhi ya watumishi na wananchi mbali mbali wakitoa nguo kwa ajili ya kuwasaidia walioathirika na mafuriko hayo.