BARAZA LA IDHINISHA UDUMA YA AFYA KUPITIA BIMA YA AFYA YA JAMII

Baraza la Halmashauri ya Wilaya ya Hai imeidhinisha huduma ya Bima ya afya ya jamii kupitia mfukuko wa afya ya Jamii iliyoboroshwa (ICHF).

Mpango huo utatekelezwa kwa kushirikiana na  shirika la Farm acces kupitia mfuko wabima ya afya CHF  kwa kushirikia na Halmashauri ya Wilaya ya Hai ambao umelenga kumpatia mwananchi huduma ya afya kwa wakati wote na kumwepushia  gharama kubwa za matibabu.

Mpango huo uliowakutanisha  Madiwani na viongozi wengine toka ndani ya Halmashauri umelenga kuboresha hali ya gharama ya afya kwa Wananchi wa Wilaya ya Hai ili waweze pata huduma ya afya  kwa kuzingatia kipato chake halisi.

Kwa  upande wake Meneja wa Farm acces Majani  Wambari alisema kuwa jambo la kuzingatia katika utoaji huo wa huduma ya afya ni vema kwa watoa huduma hasa wauguzi kuwa na hekima kwa kuwajali wanao tumia huduma ya afya pamoja na kuhamasisha watu wengine kujiunga na mfuko huo kwaajili ya kukomboa afya ya familia.

Amebainisha idadi ya wanao hitajika kupata huduma hiyo ya afya kupitia mfuko wa ICHF ni watu sita toka ndani ya kaya moja ambao wataweza kunufaika na huduma hiyo ambayo ni baba,mama na watoto ambao wapo chini ya miaka kumi na nane na kwa wale ambao wana zaidi ya miaka kumi na nane lazima wawe wanafunzi.

Wambari Amekiri kuwa wanapata changamoto kubwa wakati wa utoaji wa huduma ikiwa ni pamoja na malalamiko ya wagonjwa wanao tumia bima ya afya kuto kusaidiwa kwa wakati badala yake wanaofika na fedha mkononi ndiyo wanao pewa kipaumbele jambo ambalo amelipinga na kuwataka wagonjwa kuripoti malalamiko hayo ili wanao toa huduma kinyume kuchukuliwa hatua.

Naye mwenyekiti wa Halmashauri ya Wilaya ya Hai Clemence Kwayu aliwataka wajumbe wa halimashauri hiyo kutumia mpango huo kuhamasisha Wananchi kujiunga kutokana na mfuko huo kuwezesha kupunguza gharama ya matibabu.

“Kwanza ikumbukwe ya kuwa ugonjwa huja ghafla hivyo kwa kutambua jambo hilo ni vema mtu akajiwekea msingi mzuri wa taadhari kwa kujiunga na mfuko huu wabima ya Afya,hii ni neema kwa wakazi wa Hai.”alisema Kwayu.

Amesema kuwa jambo la kuzingatia ni kwa watoaji wahuduma katika vituo vya afya kuwa wazalendo wakuhudumia wagonjwa kwa huruma na upendo ikiwa ni pamoja na kutumiautaalamu wao wote wa mafunzo waliyonayo kuepusha malalamiko toka kwa wagonjwa.

Naye Mganga Mkuu wa Hosipitali ya Wilaya ya Hai Paul Chaote alisema kuwa mapango huo utaanza kutumika katika vituo vya afya vitakavyo pendekezwa ikiwa ni pamoja na hosipitali ya wilaya ili kuboresha matibabu kwa wagonjwa.

Aliongeza kuwa huduma hiyo inatarajiwa kuanza kutumika mwezi Mei mwaka huu ambapo uhamasishaji  na uandikishaji utaanza rasmi kuanzia hivi sasa

“Natoa wito na onyo kwa watoaji wa huduma nikimaanisha wauguzi wahosipitali ya Wilaya ya Hai navituo vitakavyo tumika kutoa huduma hii ya afya kwa njia ya bima ya ICHF kuacha mara moja  kukiuka miiko na maadili yakazi zao badala  yake watoe huduma pasipo ubaguzi wala lugha chafu kwa Wagonjwa ikiwa ni pamoja na kuthamini muda mara baada ya mgonjwa kufika au kupokelewa jambo ambalo litasaidia kuondoa lawama na kashfa juu ya watoa huduma.”AlisemaChaote

huduma hii utolewa kwa mwananchi kuchangia kiasi cha shilingi 25,000/ kwa mwaka na kumwezesha kupata huduma kwa mwaka mzima kwa familia yenye watu sita.

kwa upande wa serikali nao umechangia kiasi cha shilingi 25000,hivyo kufanya gharama halisi ya huduma hiyo kuwa silingi 50,000/= kwa kila kaya.

Mkurugenzi Mtendaji wa Halimashauri ya Wilaya ya Hai Melkizedek Humbe wa kwanza kushoto,M/Kiti wa Halimashauri Clemence Kwayu wa pili kushoto,Makamu Mwenyekiti Ally Mwanga wakimsikiliza Meneja wa FarmAcces Majani Wambari juu ya mpango wamradi huo wa bima ya Afya